منتدى ناس الغيوان


موقع الظاهرة الغيوانية
 
الرئيسيةاخر المساهماتاليوميةمكتبة الصورس .و .جبحـثالتسجيلدخول
:الـسلام علـيـكـم ورحـمة الله وبـركاته لو علمت الدار بمن زارها فرحت واستبشرت ثم باست موضع القدمين وأنشدت بلسان الحال قائلةً اهلا وسهلاً بأهل الجود والكرم أهـــلا و ســهــلا بــكـم في منتدى بوح الغيوان .

شاطر | 
 

 الهمام حسام ,,مقاطع من لكتاب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بـ الغيوان ـوح
المدير العام
المدير العام
avatar

انثى عدد الرسائل عدد الرسائل : 1305
العمر : 37
التصويت : 9
نقاط : 1397
تاريخ التسجيل : 13/09/2008

مُساهمةموضوع: الهمام حسام ,,مقاطع من لكتاب   الجمعة 6 مارس - 10:20:38

الهمام حسام ,,مقاطع من لكتاب
همام حسام
________________________________________
.1.


يُومْ تَوْلْدْ الْوَلْدْ،طَلْعَتْ نَجْمَة **** تْلاَلِي،نُورْهَا مْوَضحْ بْيَا سَلاَمْ

تَخْلَقْ في بِيتْ،فقِيرْ َللنعْمَة **** وْخَالي فْراشُو،مَنْ كُلْ تَقْوَامْ

هُوَ صْغِير،قَال ليه بوه الكلمة **** أنا،أوليدي،كنيتي لهمام

وسميتك حسام،وبيك الهمة **** هزو،في يديه،لواه بسلهام

الملايكة باركو بالرحمة **** لخلايق شاركو بزين الكلام

نواعر ضارو بريح القسمة **** والقدر ليه تشمر بلحزام

والزمان لصدرو ضمو بضمة **** وتربع في كرسيه جلال لهمام

شمسو،في السما دارت خيمة **** قمرو في لوطى أحفل بليام

لمطر و لبرق شدو النغمة **** لحساب،مع لرعود،سار زكلام

الربيع،ولخريف قسم قسمة **** الشتا بالصيف،هزات لعلام

لبحر،للبر،كشف عن الظلمة **** لاأرض ولفضا،قالو لنظام

الجو كلو،بيه صغى للحكمة **** وهي تتفرق بإسم الضرغام

وفي وسط للألمب،تلمت لمة **** باركو كلهم لخلوق الغلام

الشيطان لخسيس،جاتو حمة **** عفارت الأرض،سكنو لحطام

قالو:اليوم بدات النقمة **** يا بني الجن،ويلكم لحسام

فيه شجعان العرب بالضمة **** تجمعو،عطاوه شجاعت لقلام

عنتر،والسيف،وذات الهمة **** لهلالي،وعلي،وسيف الإسلام

مومن بربي،والنبي،ولأمة **** بخصايل الخير،ضم الإمام

على الشر زاطم كل الزطمة **** عل الحب،طالق جنح الوئام

في خدو شامة تجيب السلمة **** شايفو في عشقو،راه مسقام

رحتو أصل كل عطور الشمة **** شامو،متمتع بريحت لنسام

وحبيبو،ماتلقاهش الغمة **** يركبو عودو،يعطيه للجام

أمراعي لأصول شرع الأمة **** تفرح لحبو،جميع الأريام

لوجه أمدور،وفيه الوسمة **** عيون لحجل،ولشفار توام

فخاد سواري،وسيقان عرمة **** المشية لايمشي كنو لحمام

والقامة،فارعة من القمة **** صدور لوح،رحيب كيف لغمام

وزاد في وصفو بكل الكلمة **** وتفرقو لبشاير،بين ليام

وعاش لحسام في ظل الرحمة **** وبحنان الأب،داك الهمام

بستر الله تدارت الحكمة **** حتى وصل عمرو لثمن أعوام

ومات البو في ليلة مظلمة **** وشحال تبكى عليه الحسام







2

مات أباه مسكين،بقات أمو **** تزوجت عمو،كان راجل حطاب

الشيطان ساكن ديمة بكمو **** سميتو حمان،ومكني لغراب
سنانو رايبين،الكيف همو **** لخمر،والمعجون،ليه صواب
إد وفي لمدابزة،سيفت فمو **** وكلامو مخيظل، بدون اسباب
كيف تعبان،نابو نافت سمو **** عيشو بلملذة في أيام كلاب
إحبطو الشوك،ويزينوظلمو **** ودمعو كتشافي وسط ضباب
يبكي لحطب ملي ليه إضمو **** خلايق الغابة تذكر لحباب
حشيش الأرض،ورفو ذاق دمو **** الورد لأشفارو لم لهذاب
شابل الواد،فاض بعمق غمو **** الطين للحجر ندد بلعذاب
الكل تعجب في ظلم داك عمو **** سبوعة،ثعالب،خرفان،وذياب
باع العم الدار،ليه حرمو **** من عيشتو فيها وسد الباب
سكنهم في خربة كانت غنمو **** داها في لقمر لواح كراب
وعاش حسام،ولا من هو إرحمو **** والله عالم بما في لكتاب
لحياة واعرة،يا من اتهمو **** فيها ناس،ما شملهم بثواب
ما يعرفو ليتيم ولا ليتمو **** قلوبهم قاسحة كيف الكلاب
لكن ربي مقدر،ليه عملو **** تخليق البنية وسط لرياب
وشب الحسام في لياع ظيمو **** حمم الشارب ووصل للتشياب
بعد سنين ماتت بالهم أمو **** تهنات من فانية لعذاب
وهز رحيلو كلو من دار عمو **** وسكن كوخ،بناه وسط الغاب
هاجر الناس،وكل من إظلمو **** ليتيم،ولعجوز،والمشياب
والعيشة بجنب لخشى وسمو **** أحسن من معشرات أولاد لكلاب
ما يشوف حد،ولا إشم لنسيمو **** كل خلق الغابة،ولأوأصحاب
الليل منحو أسرار في نجمو **** ونهار،ينورو نساه لنحاب
وسار يعبد الله وكل حكمو **** بان بجبينو،دينا لأداب
وطول العام صاير في صومو **** قوتو باليل،فاكهة الغاب
ولد العشرين،ما قدت تأمو **** لامناكر،لافواحش،ولالنصاب
وتفتح قلبو للخير وسلمو **** رمى الشر برى،وغمض لهذاب
ومن غصن الشجرة دار قلمو **** في جريدة لنخل قرا لكتاب
ولا حد إزعزع لحياتو وهمو **** وفليلة نزلات ليه لمصاب




3

كانت ليلة قوية كل بردها **** ظلام لرعود،ولبروق يعميه

وهو في الصلاة يؤدي فرضها **** سمع حس ألطيف جاي من لهيه
وسجد السجدة،وعطى لحقها **** وعلى السجدة لاحد كيلهيه
هز راسو لقاها في بسمتها **** ما عرف منين هي دخلت عليه
ونفسو تحركات في جعبتها **** ولعقل ثلاح في سؤال التيه
الكوخ تعمر بطول وقفتها **** لفران طفى،بلا ما هو يطفيه
ضوات هي القاعة بخزرتها **** كيف النور عيونها ترميه
ما تكلمت بكلام في ذخلتها **** أو سلام،كان في فمها تلقيه
ريح للبراكة مقلع دفتها **** جهد البرد،كان غدي يديه
خزرت في الدفة أو وقفتها **** وقالت للكمرة ظلام حيديه
قالت للريح لرعود فرقيها **** قالت للشتا،هاد البرق رديه
وتخلع حسام في كل عملتها **** ويا ربي،المومن لاش تبليه
هاذ الخلقة،منين قريتها **** لاش جات لكوخي باش تواطيه
تكلم في سرو،وهيا سمعتها **** وتبسمت بسمة بغات تجليه
لسنان جوهر،تشبه ضحكتها **** خدها بلعمان،أمشبه بيه
شفايف ورد في رحيق لذتها **** النيف منقاد،جبهة تنسيه
عيومن كيسان،الما رمشتها **** تروي العطشان بعد تقليه
لوجع داير،كسما وكمرتها **** ها الشعر شقر،للظهر مغطيه
الرقبة حمام في نعومتها **** لنهود،تفافح لصدر تلاقيه
الصرة محزومة،بلا سمطتها **** فرق ليمونة لردف توجديه
ولبطن عجينة في خميرتها **** البوط عنبة،للسان تحليه
الفخدين خط بطول رسمتها **** السيقان عود،لوتار تغنيه
القدمين حوتات بعومتها **** صباع قلومة،والظفر تديه
تديه المشطية،بملوستها **** جمعت الكل،للقامة توريه
بهض حسام زينها،وزينتها **** قال:يا حرمة شرك ما باغية
حق الضيافة راني فهمتها **** أهلا بالضبف،كما كان سقيه
وهب نسيم ململ لذفينتها **** فاضت روايح الطيب عليه
قالت:سميتي للسان لذتها **** تفاجي قلبك،وليك تراعيه
اسمي الزرقا بنت لبهى **** أبي ملك الملوك تاج نزيه




4


وقالت زرقا كلامها وغبرت **** وبقى حسام في لمكان إشوف

بغى إفكر،أفكار عقلو تمت **** بغى إصيح،لألسانو مخطوف

دخلاتو الرعشة،عليه تلمت **** كلو هواجس،وكلو للمصروف

واش كان اللي شفت ...؟ **** أو حقيقة اللي كنت انشوف

هياجت الريح،سمعها زادت **** لرعود رجعت كيف المألوف

كل خلايق الغابة راه صمتت **** صوت الذياب كان والحلوف

وتفكر لفنار شعلو وتصنت **** غير حس صدرو،لاحس جا معروف

بان وسط البراكة،وتنارت **** رجع النور،ولأكل شي مكشوف

شاف مكانها،لا أثر هيا خلت ****حتى طيبها،ما تشدو لنيوف

الباب،كنو،دفتو ما تعلقت **** القمر للغابة،رام لخسوف

أو لغمامة على وجهو تغمت **** صهد لحزان من لكفوف

لرجاضة،بالقلب راه سكنت **** الشعر وقف،ولأكتبن منتوف

ياربي،ياك ليك نفسي همدت **** وعليك قلبت كيف المتلوف

فارقت الناس،حتى قلت فلت **** داب هاني،وسط كفة بلا صروف

وواش وقع ليا،وبعد الصمت **** جات خلقتو وداتني لهتوف

وكيف المعمول وليه سلمت **** أمري،وحالي،ذاتي،ولصروف

وسمع حسام لصوتها وتلفت **** لجيهت الحس،عقلو ملهوف

قالت:أنت ليا وليك اخترت **** لهوى ما عذر ناظر،ومكفوف

أنا حبيتك،وليك انت سلمت **** زمام عمري،وزيني،ولحروف

أنا حليتك لشعوري وتوست **** فراشي،وغطايا بيك ملفوف

تكون معايا هذا اللي ردت **** ألا...قلبك بحبي يولي منسوف

الله يا زرقا،ليك أش عملت...؟ **** أنا مسكين،للوحدة موصوف

هاد ليام،بياضارت ووقفت **** لوسط لنغايص،هاني مجروف

لهوال على ذاتي،جهد أدكت**** بعد،والشقا،الدمع انزوف

راني شبه راعي غنمو جفلت **** أنا قدام الذيب،كي لخروف

قلبي في حب الله سار مشتت **** مالي في الدنيا زرع وصوف

شوفي غيري يمكن ليك ينصت **** لحبك يفهم لكتاب،ولرفوف

قالت:راني لكلامك ما سمعت **** أنا عزمت عليك بكل مغروف

أنا شباك الحب عليك شبكت **** في حبي ببحثك تولى معروف

وبعد هذا الحديث عليه صمتت **** قام لصلاتو،ويلعن الظروف
5
وعاش لحسام معلق بالدين**** الله والرسول،فعل ليمان

مبعد عليه دنيت الأدميين**** مرافق غصن،زهر،والحيوان
لكن خيالها بخيالو كاين**** يبغي ينساه،في عقلو يبان
إطردو من بالو يغيب سنين**** في الحين يتحداه بسلطان
لنو ذبل،لجفان سهرانين**** وملاك الحب يشطن الرهبان
يستغفر،ويصلي،إحن،وينين**** يلعن لمرا،الحب،والشيطان
خاطرو جفل،بدموع الخدين**** لسانو شلال،وديمة عرقان
نهارو مخمعلقامت الزين**** ليلو إكبر صورتها،وشمان
يسجد السجدة،يطلب لعوين **** يرفع راسو،تجيه الأشجان
يبكي بالدمع،مالح وسخين**** يصيح بالأهة يا الرحمان
وحدو في كوخ إينادي لحزين**** لاحد ليه إرد في داك لمكان
ولات ذاتو مطحونة كل طحين **** غرق في بحر،ما يعرف عومان
لمن تنادي وحدك يا مسكين **** الحياة بركان،ترمي حرمان
وبقيتي بين سالب وتمكين **** عليك لفواجع دارت لرهان
قضات لمحبة عليك متفقين**** داروك كظالم وأنت إحسان
ما نفعاتك عبادة ولا يقين **** رهين بين الدين،والحب،ولفتان
يا إما تعبد الله المعين**** يا إما تولي مطرقة وسندان
هكذا ولا حسام بين قوسين**** ذات مالها معنى ولا لمعان
وكان مومن ولا في شر كفرين**** كفر عبادة أو كفر بالخلان
بالصراع في نفسو صارعين **** وولات القبلة كيف السجان
وكان تابع لنبي في الدين **** ولابحبيبو متبوع لنيبان
عقلو كان،ضاهي العاملين **** ولابحمقو جيعان وعطشان
وكان بالله،قال ليه آمين **** ولاهلحد بينو لعشق عريان
كيشوف اللبدة يولي حزين **** وكيشوف حالتو يرجع خجلان
فين لحسام،فين هو لرزين..؟ **** فين لعبادة بحب للرحمان..؟
لامر ضمو لشرع الجاحدين**** وكان واعي بحالو ولاغفلان
ياويح من أهوا العينين **** والصدر لعناق،والنهدان
إيولي مسكين خميرات لعجين **** إيولي شفاية لكل العديان
حمام،حيوطو عليه رايبين **** الصهد سوس قاعو بالدخان


6

بالمبيت الملك في حزانو **** يا راحت بنادم عفاك سمعني

يا لمشتت الخلان كانو **** عشرة..أنا نادي غير فهمني
يا الملاك الفرحان لهجرانو**** انت الحب.ترفدني وتحطني
ليك ما يوصف الفم بلسانو**** بيك ما نبرد،ملي تحرقني
الرمش طايب،وفيه سهرانو **** القلب معاك غادي إندمني
كنت تاقي،ومومن بإيمانو **** صرت فيد الشيطان يرجمني
طفيتي شمعي بعد شعلانو **** حاط الليل بيا،ظلام دركني
قلعتي من ربيعي ريحانو**** دخولك لصدري زاد فجرني
يا الحب،أنا عبد في عسانو**** ويبعد لعشيق عليا،زاحمني
يا الحب،كنت سبع في زهرانو**** ولييت بومة والناس تلعني
يا الحب،كنت شاب في ريعانو**** دركتني بهرمك،لعجز سكني
يا الحب،عرفت الدين فيقانو **** ها أنا بيك،نسيت خالقني
يا الحب،روحي،ونفسي يلعانو**** ديك تفرحني،لخرى تقرحني
يا الحب،عودك ركب طغيانو**** نبغي نركبو،ساقو يركلني
يا الحب،لفمي تهدم سنانو**** لبيار النار نولي أمدني
يا الحب،جيشك موحش قتلانو**** ما يرحم يتيم،لاعجوز محني
يا الحب،قاصدك تعزى شانو**** تدفنو حي،عليه لحجرتبني
يا الحب،طريقك في نيشانو**** كلو لويات،شرابو يجرحني
يا الحب،وما يشبع جيعانو**** حنظل،وحدج،أشواك تزحفني
يا الحب،طيرك طير جنحانو**** يخطف عيني،بعروق يكتفني
يا الحب،بحرك غرق حيتانو **** بالصياد،والشبكة كتفني
يا الحب،مولودك لشيطانو**** يقتل الأب،وبالأم كبرني
يا الحب،بابك مطرق دفانو **** داخل دارك،خرج منها محني
يا الحب،وتري نسى ألحانو **** صوتي بح،بموالك كنت نغني
يا الحب،فطر حالي صومانو**** وبعد ما نذنب راه يتركني
يا الحب،عيدي بغيضانو**** بهزل،ونكاتي ليا يوصفني
يا الحب،شيب شفر وحجبانو**** طلع نهج في لوريد وخنقني
وهذا حسام تمحن عشقانو**** كان ممدود،بالحب ولامتني
شعلو حب الزرقا،بتمحانو **** يكتب لمصيرو،والحب يسني
النوم صار يهوى فيقانو **** ذاتو نحيلة،قلبو ما مهني

_________________________________________________
العمر رحلة والتجريب راحلة_____________________________
الرجوع الى أعلى الصفحة اذهب الى الأسفل
بـ الغيوان ـوح
المدير العام
المدير العام
avatar

انثى عدد الرسائل عدد الرسائل : 1305
العمر : 37
التصويت : 9
نقاط : 1397
تاريخ التسجيل : 13/09/2008

مُساهمةموضوع: رد: الهمام حسام ,,مقاطع من لكتاب   السبت 18 أبريل - 15:37:44

شكرا اخي على المرور الطيب

_________________________________________________
العمر رحلة والتجريب راحلة_____________________________
الرجوع الى أعلى الصفحة اذهب الى الأسفل
تحياتي
مشرف عام
مشرف عام
avatar

ذكر عدد الرسائل عدد الرسائل : 225
التصويت : 2
نقاط : 292
تاريخ التسجيل : 19/09/2009

مُساهمةموضوع: رد: الهمام حسام ,,مقاطع من لكتاب   السبت 3 أبريل - 21:06:21

بارك الله فيك أختي على المجهود حفظك الله على النوادرة ل الهمام حسام


تقبلي مروري وفائق إحترامي

تحياتي
الرجوع الى أعلى الصفحة اذهب الى الأسفل
بـ الغيوان ـوح
المدير العام
المدير العام
avatar

انثى عدد الرسائل عدد الرسائل : 1305
العمر : 37
التصويت : 9
نقاط : 1397
تاريخ التسجيل : 13/09/2008

مُساهمةموضوع: رد: الهمام حسام ,,مقاطع من لكتاب   الأحد 25 أبريل - 21:22:31

الله يبارك فيك أخي

شكرا لمرورك
الطيب

وتقبل مني فائق التقدير


تحياتي

_________________________________________________
العمر رحلة والتجريب راحلة_____________________________
الرجوع الى أعلى الصفحة اذهب الى الأسفل
نسر الغيوان
عضو جديد
عضو جديد
avatar

ذكر عدد الرسائل عدد الرسائل : 67
التصويت : 2
نقاط : 99
تاريخ التسجيل : 03/09/2009

مُساهمةموضوع: رد: الهمام حسام ,,مقاطع من لكتاب   الثلاثاء 27 أبريل - 20:05:02

الكتاب عنوانه ملحمة الهمام حسام ،ويعتبر أطول قصيدة زجلية ، الله رحم العربي باطمة كان مبدعا حتى النخاع، وشكرا جزيلا على الموضوع ،تقبلي مروري Smile
الرجوع الى أعلى الصفحة اذهب الى الأسفل
بـ الغيوان ـوح
المدير العام
المدير العام
avatar

انثى عدد الرسائل عدد الرسائل : 1305
العمر : 37
التصويت : 9
نقاط : 1397
تاريخ التسجيل : 13/09/2008

مُساهمةموضوع: رد: الهمام حسام ,,مقاطع من لكتاب   الأربعاء 28 أبريل - 16:44:44

شكرا على المرور الطيب

_________________________________________________
العمر رحلة والتجريب راحلة_____________________________
الرجوع الى أعلى الصفحة اذهب الى الأسفل
safae
عضو نشيط
عضو نشيط
avatar

انثى عدد الرسائل عدد الرسائل : 204
التصويت : 0
نقاط : 238
تاريخ التسجيل : 27/08/2009

مُساهمةموضوع: رد: الهمام حسام ,,مقاطع من لكتاب   الجمعة 30 أبريل - 13:53:25

الرجوع الى أعلى الصفحة اذهب الى الأسفل
mr ghiwani



عدد الرسائل عدد الرسائل : 4
التصويت : 0
نقاط : 10
تاريخ التسجيل : 19/01/2010

مُساهمةموضوع: رد: الهمام حسام ,,مقاطع من لكتاب   الإثنين 10 مايو - 15:32:52

الرحيل الرحيل مكاين غير الرحيل
وفين البديل يا خياتي فاين البديل
البارح كان عندنا أمل
يبشر الحال
يتكلم بالأمواج وفكل موجة نسمعو موال

فين فيتح فين الحياني اسماعيل أحمد عماد عبد الكبير
الشين خليفة وفاينك أ باطما لكن الكبي أوصغير

نتي ديال الغيوان لمشاهب جيل جلالا تكادة
ديال السهام مسناوة جيال اليوم أو غدا

الله يرحمك أباطما
االله يبارك فيك أ أوخت
الرجوع الى أعلى الصفحة اذهب الى الأسفل
بـ الغيوان ـوح
المدير العام
المدير العام
avatar

انثى عدد الرسائل عدد الرسائل : 1305
العمر : 37
التصويت : 9
نقاط : 1397
تاريخ التسجيل : 13/09/2008

مُساهمةموضوع: رد: الهمام حسام ,,مقاطع من لكتاب   الإثنين 24 مايو - 19:17:32

الله يبارك فيك أخي

شكرا
لمرورك
الطيب

وتقبل مني فائق التقدير


تحياتي

_________________________________________________
العمر رحلة والتجريب راحلة_____________________________
الرجوع الى أعلى الصفحة اذهب الى الأسفل
Abderrazzak



عدد الرسائل عدد الرسائل : 1
العمر : 25
التصويت : 0
نقاط : 1
تاريخ التسجيل : 24/12/2012

مُساهمةموضوع: رد: الهمام حسام ,,مقاطع من لكتاب   الإثنين 24 ديسمبر - 7:07:55

farao Exclamation
الرجوع الى أعلى الصفحة اذهب الى الأسفل
 
الهمام حسام ,,مقاطع من لكتاب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ناس الغيوان :: منتديات ناس الغيوان :: أغاني جيل جيلالة-
انتقل الى: